Բաց դասախոսություն. դոկտոր Հրաչ Չիլինգիրյան

«Ավրորա» մարդասիրական նախաձեռնություն և Երևանի պետական համալսարան

<H3>Դասախոսության մասին</H3>
<H3> «Պատերազմները, կրոնական ծայրահեղականությունը եւ ապագայում սպասվող մարտահրավերները Մերձավոր Արեւելքում Արեւելյան Քրիստոնեության համար»</H3>
Մերձավոր Արեւլքում արեւելյան քրիստոնեական եկեղեցիները եւ համայնքներն անհետացման եզրին են այնտեղ, որտեղ սկիզբ է առել հավատքը՝ չնայած տարածաշրջանում ունեցած խորը պատմական, աստվածաբանական, մշակութային, սոցիալական եւ կրոնական արմատներին:  Հաշվի առնելով այս համայնքների հարուստ պատմությունը եւ կրոնական արմատները՝ դոկտոր Հրաչ Չիլինգիրյանը կխոսի այն կարեւոր մարտահրավերների մասին, որոնք այսօր ծառացել են քրիստոնյա համայքնի առջեւ Մերձավոր Արեւելքում՝ ընթացող պատերազմների, կրոնական ծայրահեղականության, միջհամայնքային հակամարտությունների, ցեղասպանության, սոցիալ-տնտեսական անկման եւ միգրացիայի համատեքստում:  
 Բանախոսի մասին
Դոկտոր Հրաչ Չիլինգիրյան ինտելեկտուալ ձեռնարկատեր է եւ ակտիվիստ-սոցիոլոգ: Վերջին տարիներին նա աշխարհի ուշադրությունն է հրավիրում Մերձավոր Արեւելքում քրիստոնյա համայնքների եւ փոքրամասնությունների իրադրության վրա, հատկապես՝ գիտական եւ քաղաքական որոշումներ կայացնողների շրջանակներում: Որպես մտավորական՝ նրա ուսումնասիրությունները, մտքերը եւ ծրագրերը նպատակ ունեն պատմական ինքնությունը, մշակույթը եւ լեզուն դարձնել կենդանի փորձ հատկապես սփյուռքի համար: 
 
Լոնդոնի տնտեսագիտության դպրոցում (LSE) սոցիոլոգիայի ոլորտում ասպիրանտական ծրագիրն (PhD) ավարտելուց հետո դոկտոր Չիլինգիրյանը սկսեց դասախոսել Քեմբրիջի համալսարանի բիզնես դպրոցում եւ ստանձնեց Եվրասիական ուսումնասիրությունների կենտրոնի տնօրենի պաշտոնը (2003-2012): 2012 թվականից նա Օքսֆորդի համալսարանի Արեւելագիտության բաժնի անդամ է. զբաղվում է հայագիտական եւ մերձավորարեւելյան ուսումնասիրություններով, մասնավորապես՝ ուսումնասիրելով մշակութային ինքնության քաղաքականությունը, հայրենիք-սփյուռք կապը, կրոնի սոցիոլոգիան եւ միջէթնիկական հակամարտությունները Մերձավոր Արեւելքում եւ Եվրասիայում: Դոկտոր Չիլինգիրյանը դասախոսում է աշխարհի տարբեր համալսարաններում եւ բազմաթիվ ուսումնասիրությունների, գիտական հրապարակումների եւ հոդվածների հեղինակ է (www.hratch.info): 
Դոկտոր Չիլինգիրյանը ղեկավարել է մի շարք գիտական հաստատություններ եւ բարեգործական կազմակերպություններ եւ ավելի քան երեսուն տարի ծառայել է համայնքներին՝ ԱՄՆ-ում եւ Միացյալ Թագավորությունում: Նա ներգրավված է  համայնքային կյանքում եւ ակտիվորեն մասնակցում է քաղաքացիական եւ մասնագիտական նախագծերում: 
 
Գրանցումն անվճար է, բայց տեղերը սահմանափակ են: 
Դասախոսության լեզուն հայերենն է:
 
Հաճախ տրվող հարցեր
Տոմսի տպագիր տարբերակն ինձ հետ վերցնելու անհրաժեշտություն կա՞
Տոմսը տպելու կարիք չկա: Խնդրում ենք ստուգել, որ Ձեր էլ. Հասցեին ստացել եք մասնակցության հաստատումը: 
Ե՞րբ են փակվում դռները
Լսարանի դռներն արդեն փակ կլինեն միջոցառման մեկնարկից 5 րոպե առաջ: Ուստի բոլոր մասնակիցներին խորհուրդ ենք տալիս ներկայանալ առնվազն 15 րոպե շուտ: 
Կարո՞ղ եմ գրանցվել մեկից ավելի տոմսերի համար
Հաշվի առնելով միջոցառման բնույթը, յուրաքանչյուր ոք կարող է գրանցվել միայն մեկ տոմսի համար:

Երևանի պետական համալսարան (ԵՊՀ), "ԵՊՀ գիտական խորհրդի նիստերի դահլիճ" ԵՊՀ գլխավոր մասնաշենք, 5-րդ հարկ

Our {communityGuidelinesLink} describe the sort of content we prohibit on Eventbrite. If you suspect an event may be in violation, you can report it to us so we can investigate.

To report other categories of prohibited or illegal content, submit {link}

Բաց դասախոսություն. դոկտոր Հրաչ Չիլինգիրյան

More events from «Ավրորա» մարդասիրական նախաձեռնություն և Երևանի պետական համալսարան

Follow organizers to get events picked for you

Բաց դասախոսություն. դոկտոր Հրաչ Չիլինգիրյան

More events from «Ավրորա» մարդասիրական նախաձեռնություն և Երևանի պետական համալսարան

Follow organizers to get events picked for you

You might also like...

Sign-In for personalized recommendations