Мајка, жена, партнер - како да ги усогласиш сите улоги без вина?

Искрено и практично предавање посветено на секоја жена која се обидува да најде баланс помеѓу мајчинството, партнерството и сопствените потреби.

На ова предавање ќе слушнеш за:

- како да не се изгубиш себе си во секојдневните обврски и приоритети
- организација на времето и предизвиците на современата жена
- менталниот товар на мајката и чувството на вина
- промените во партнерството по доаѓањето на бебето
- како да изградите здрава динамика и поддршка во врската

Предавањето го одржува „Мама круг - заедница за мајки“ создадена со цел поврзување, поддршка и едукација – место каде што жените можат да споделуваат, учат и растат заедно низ различните фази на мајчинството.

Александра Гаќидев - Едукатор за породување и подготовка на родители и мајчинство од платформата Mamma Prenatal, која преку својата работа им помага на жените да се подготват за мајчинството и да останат поврзани со себе во новата животна улога.

Бојана Петровска - Психолог, семеен и системски советник, организациски консултант за ментално здравје на вработени и тренер за меки вештини.

Основач е на Мој психолог и ко-основач на Мама круг. Организатор на настани, трибини и предавања од јавен и затворен карактер.

Данче Азманова Мирческа - Eдукатор за продктивност и родителство, организатор на работилници и настани за родители и деца и авторка на една од најпродаваните детски сликовници во земјава - Време е за Даро!