Sobri es Iventu:

Segunda fera

14 di Dezenbru

14/12/2020

18:00 – 19:00

Iventu Online (na internet)

Kinta fera

17 di Dezenbru

17/12/2020

12:00 – 13:00

Iventu Online (na internet)

Deskrison:

Sidadi di Boston stá ta fazi un konjuntu di webinars sobri es novu programa Skodji Iletrisidadi pa Komunidadi (Community Choice Electricity). Es programa stá ta bai proporsiona maior kontrolu lokal sobri iletrisidadi ki ta fornesidu pa kazas y enprezas di rezidentis di Boston.

Nu stá ta bai diskuti:

• komu ki programa ta funsiona,
• komu ki rezidentis y enprezas di Boston stá ta bai ser benefisiadu,
• kes tarifas di iletrisidadi y kontiúdu di enerjia renovavel oferesidu pa programa,
• prinsipais rekursus di programa, y
• kuzê ki é pa spera na prosimus mes, a medida ki programa ta lansadu.

Un seson di Q&A (perguntas y respostas) stá ta bai sigi aprezentason di ekipa di Sidadi.

Es programa stá ta bai trabadja pa konstrui un Boston mas sustentavel, prosperu y justu. Nu ta insentiva partisipantis pa konsulta pajina di internet di Skodji Iletrisidadi pa Komunidadi (Community Choice Electricity) di Sidadi di Boston pa sabi mas sobri es novu y enpolganti oportunidadi.

Inskrison:

Es iventu stá ta bai ser realizadu na internet, ta uza Zoom. Partisipantis devi inskrivi pa webinar. Dipos di inskrison, bu stá ta bai resebi un e-mail di konfirmason ku informason sobri komu partisipa na webinar.

Asesu pa Linguas:

Es webinar stá ta bai ser aprezentadu na inglês ku oferta di interpretason na kriolu di Kabu Verdi.

Si otus servisus for nesesariu, kontakta aidan.smith@boston.gov. Nu ta pidi pa ki kes pididu di servisus adisional ser feitu dôs semana antis di data di webinar.