Беларускія Каляды

Дабрачынная арганізацыя "Беларусы Чыкага" запрашае вас на незвычайнае і цёплае свята для ўсёй сям’і! Гэта сустрэча казкі, музыкі і традыцыі, дзе дзеці і дарослыя апынаюцца ў чароўным свеце беларускіх Каляд. ✨

У праграме:

• Святочная Калядная батлейка — тэатральнае прадстаўленне, дзе ажываюць калядныя гісторыі, героі і сапраўдныя цуды. Галоўны казачнік краіны Маляваныч стварае атмасферу чараўніцтва, а Сяржук Доўгушаў суправаджае батлейку жывой музыкай на беларускіх народных інструментах — калавай ліры, дудках, бубнах і жалейках;

• Традыцыйны калядны абрад з Зоркай, Мядзведзем, Жоравам і Казлом ці Казой — з аўтэнтычнымі маскамі, пераапрананнямі, удзелам усіх прысутных, смехам і жывой магіяй;

• Інтэрактыўная праграма ад Сяржука Доўгушава пад гукі ўнікальных беларускіх інструментаў;

• Зімовыя гульні, танцы, карагоды, сюрпрызы і розыгрышы, у якіх кожны можа стаць часткай дзеі.

Святкаванне адбудзецца 3-га студзеня ў Kitchen House Cafe па адрасу 341 E. Dundee Rd., Wheeling, IL 60090. Дзверы адчыняюцца а 4:30 pm. Калі ласка, прыходзьце сваечасова, каб замовіць ежу і напоі (асобны кошт) перад пачаткам праграмы.

Вельмі чакаем усіх на беларускіх Калядах!